☄️Shahar hokimi Gavhar Alimovaning o‘quvchi-yoshlar bilan uchrashuvlari izchil davom etmoqda. Navbatdagi ochiq muloqot 11-IDUMda yuqori kayfiyat va samimiy muhitda tashkil etildi.

 

🫥Uchrashuv davomida shahar hokimi yoshlar ta’limiga qaratilayotgan e’tibor, zamonaviy maktablar, ta’lim imkoniyatlari va yaratilayotgan shart-sharoitlar haqida fikr bildirdi. U yoshlarni ushbu imkoniyatlardan unumli foydalanishga va kelajakda raqobatbardosh mutaxassis bo‘lib yetishishga chaqirdi.

✨Shuningdek, maktabda fan olimpiadalari, ko‘rik-tanlovlar va turli musobaqalarda yuqori natijalarga erishgan o‘quvchilar alohida e’tirof etilib, ularga esdalik sovg‘alari topshirildi. Bu esa boshqa yoshlar uchun ham katta rag‘bat bo‘ldi.